Ymweliad gan yr RSPCA
Daeth Mrs Lynwen Pierce o'r RSPCA i'r ysgol yn ddiweddar i siarad â'r plant am edrych ar ôl anifeiliaid anwes a gwyllt. Roedd diddordeb mawr gan blant Dosbarth 3 gan eu bod nhw'n sôn am fywyd gwyllt ac anifeilaid yn eu gwaith gwyddoniaeth y tymor hwn.

Ymweliadau Addysgol
Aeth Dosbarth 3 a 4 ar ymweliad y tymor hwn â Llancaiach Fawr. I gyd-fynd â thema'r dosbarth, gwelodd y plant yr hen offer coginio oedd yn y gegin yno. Yn ogystal â'r ymweliad cyffrous yma, ar y ffordd 'nôl i'r ysgol, aeth y plant i Barc Ynys Angharad. Cafwyd amser gwerth chweil yn arsylwi ar arwyddion yr hydref o'u cwmpas.
    Aeth Dosbarthiadau 5 ac 8 i'r Amgueddfa Werin, Sain Ffagan ar Dachwedd 7fed. Aeth Dosbarth 5 i'r pentref Celtaidd gan eu bod yn astudio bywyd y Celtiaid yn y dosbarth.
    Mae Dosbarth 8 wedi bod yn astudio cartrefi yn ystod Oes Fictoria felly aethon nhw i ymweld â Thai Rhydycar a'r holl dai eraill sydd yno o gyfnodau gwahanol ac ardaloedd gwahanol ledled Cymru.

Ymweliad gan Olygydd 'CIP'
Daeth Siân Eleri i'r ysgol yn ddiweddar. Golygydd cylchgrawn 'CIP' yr Urdd yw Siân. Siaradodd hi â phlant Dosbarth 9 am yr holl waith caled mae hi'n ei wneud i roi rhifyn o'r cylchgrawn at ei gilydd. Ar ôl gwrando'n astud arni yn sôn am yr holl bethau diddorol sydd yn y cylchgrawn, bydd pob plentyn eisiau archebu 'CIP' bob mis.

Elusennau
Diwrnod 'Genes For Jeans' ~ Gwisgodd y plant eu jîns i'r ysgol ar Ddydd Gwener Hydref 23ain i godi arian tuag at yr elusen yma. Casglwyd £222
   Diwrnod Plant Mewn Angen ~ Gwisgodd y plant ddillad arferol yn lle gwisg ysgol a chasglwyd £144.
   Elusen 'Operation Christmas Child' ~ Daeth y plant a'r athrawon â 166 o focsys i'r ysgol wedi'u llenwi ag anrhegion di-ri ar gyfer plant bach sy'n llai ffodus na ni. Aiff ein rhoddion ni eleni i Serbia.
   Diolch yn fawr iawn i'r rhieni am ein cefnogi unwaith eto.

gymdeithasu a mwynhau. Gweithgaredd allgyrsiol arall ar gyfer disgyblion Ysgol Gynradd Gymraeg,Llantrisant.
   Mae'r plant wedi bod yn ffodus iawn i gymryd rhan mewn nifer o sesiynau difyr yn cynnwys Gemau parasiwt, Parti Calan Gaeaf, Noson Grefftau. Diolch yn fawr iawn i'r staff i gyd am eu hamser a'u hymroddiad.

Llangrannog 2001
Nôl ym mis Medi, treuliwyd penwythnos bendigedig gan dros 40 o blant o Ddosbarth 8 a 9 yng Ngwersyll yr Urdd, Llangrannog. Roedd y plant i gyd wedi mywnhau tu hwnt yng nhwmni Mrs Preece, Mr O'Neil a Mr a Mrs Davies. Roedd y tywydd yn braf iawn, felly cafodd y plant ddigon o awyr iach tra'n mwynhau cymryd rhan yn y gweithgareddau. Braf oedd gweld y plant yn cymdeithasu gyda ffrindiau newydd o ysgolion eraill yr ardal.



Llwyddiant ar y Maes Rygbi
Mae Nathan Rees, Dosbarth 9, wedi cael ei ddewis i chwarae rygbi dros Ysgolion Pontypridd dan 11. Llongyfarchiadau mawr iddo fe.

Cyngherddau'r Nadolig
Yr Adran Iau
Dydd Gwener Rhagfyr 14eg am 1:30 yng Nghapel Tabor, Llantrisant
Adran y Babanod
Dydd Gwener Rhagfyr 14eg am 10:00 yng Nghapel Tabor, Llantrisant

Yr Uned dan 5
Dydd Iau Rhagfyr 13eg am 2:00 yn Neuadd yr Ysgol
   Aiff elw'r cyngherddau hyn at gronfa'r Capel.

Adran yr Urdd
Cynhelir Adran yr Urdd yn neuadd yr ysgol bob pythefnos ar Nos Iau. Fel arfer, daw dros 80 o blant i'r clwb llwyddiannus yma i

Blwyddyn 5 a 6:   cerdd ar y testun "Rwy'n hoffi"

Blwyddyn 7:      cerdd ar y testun "Damwain"

Blynyddoedd 8 a 9:  cerdd ar y testun "Unwaith . . . "

Blynyddoedd 10 ac 11:  cerdd ar y testun "Dawns"

Blynyddoedd 12 ac 13:  cerdd ar y testun "Fflamau"

Agored:     gorffen Triban:
      "Tri pheth sy'n llonni 'nghalon . . ."