Dydd Sul, Ebrill 3ydd:
Punta Tombo.
Taith diwrnod i weld nythfa pengwiniaid Punta Tombo; cinio picnic. Awn
tua'r de ar hyd arfordir cefnfor Iwerydd i nythfa pengwiniaid enfawr Punta
Tombo. Rhwng misoedd Medi ac Ebrill bydd hanner miliwn o bengwiniaid Magelanaidd
yn magu ac yn deor eu cywion yma. Mae'n werth gweld yr oedolion yn siglo
cerdded yn ôl o'r môr i'w nythod, a'r croeso swnllyd a gant
gan eu cymheiriaid. Byddwn yn gwylio a thynnu lluniau'r adar diymhongar
hyn wrth i biod môr llwyd-ddu, pibyddion Baird a hwyaid diasgell
Camwy fwydo neu orffwys ar y restingas gerllaw. Yr adeg hon o'r flwyddyn
bydd llawer o bengwiniaid yn dod at ei gilydd ar y traeth i orffen bwrw
eu plu am y flwyddyn.
Gwasanaeth Diolchgarwch yng Nghapel Tabernacl Trelew am
6pm.
Cyngerdd yn Nhrelew hefyd yn Amgueddfa’r Deinosoriaid am 8pm.
|