BRETHYN CARTREF Clwb y Dwrlyn
RHAGFYR 7 2001
‘Roedd cryn chwerthin i’w glywed o lolfa’r Kings Arms Pentyrch
ar nos Wener cyntaf fis Rhagfyr diwethaf; a dim rhyfedd, oherwydd ‘roedd hi’n noson Brethyn Cartref Clwb y Dwrlyn.
Y cystadlu rhwng gŵyr a gwragedd Pentrych â thrigolion Creigiau yn
frwd a’r beirniad, Geraint Hughes, yn cadw trefn ar y cyfan gyda’i sylwadau
bachog. Cynhaliwyd amrywiaeth o gystadlaethau: rhai ar y pryd ac eraill
yn waith a baratowyd ymlaen llaw. Ymysg y cyntaf dichon taw’r mwyaf cofiadwy
oedd gweld Emlyn Davies yn ei drôns (hir) a Brian Davies, er yr oerfel,
yn arddangos ei goesau blewog. Cafwyd ymateb niferus i’r tasgau a osodwyd fel gwaith cartref,
yn ymestyn o’r tila (geiriau’r beirniad) i’r teilwng. Dyma rai o’r cynnigion
aeth â sylw Geraint Er mwyn rhoi goleuni pellach i Ddwrlynwyr ar hynt a helynt
testun yr e-bost, sef Cadwgan, cyflwynodd y beirniad ddetholiad (honedig!)
o lawysgrifau Peniarth yn adrodd anturiaethau carwrol y gwron. Cam go
fentrus oedd dwyn y fath ysgolheictod i blith trigolion y Garth a rhaid
cyfaddef, nad oedd eu gafael ar Gymraeg Canol yn sicr iawn a dweud y lleiaf.
Serch hynny llwyddodd Geraint i gyfleu naws gnawdol y stori yn ddeheuig
iawn. Gyda llaw, mae’r llawysgrif yn awr yn nwylo swyddogion y Clwb wedi
ei ffeilio dan y pennawd ‘oedolion yn unig’! Diolch i bawb a fynychodd y Kings am noson hwyliog iawn o ‘gynnyrch’
cartref a diolch yn arbennig i Geraint am lywio’r gweithgareddau gyda’i
hiwmor arferol. |
Limerig
Mae si fach ar led yn y Creigiau, Mae si fach ar led yn y Creigiau, e-bost yn defnyddio llythrennau Cafodd Ann Dwynwen wisg goch â neclein ddiwaelod; un hael o glifej. “Yli, f’Emlyn!” wiglodd. Yntau arhosai’n llipa. Cadwgan annwyl Deffro! Wyt gryf. Angen newydd ddyn – un hyfforddwr, olynydd Graham. Ymbiliaf frawd, wyt ymladdwr arbennig. Llywelyn Brawddeg, pob gair yn cychwyn â’r llythyren Ll Llarpiwyd llawer llwynog lluddedig llynedd, llwfrdra llywodraeth Llundain. Llechweddau Llanllwni lle llechau lleidr, llechwraidd, llofruddiog; lleuad llawn, llamodd, llwyddo lladd llygoden llipa Llwellyn Llwyd, lluniaeth llesol llwynog llewyrchus. Llithrodd llaw Llywelyn llariaidd- llamodd llygaid Llywela. Dihareb neu epigram gyfoes Yng ngenau merch mae cynilo gwawd Nid brown yw popeth bler. Nid wrth ei lun y mae adnabod Bin Laden Cyfarchiad Nadolig i bobl enwog ar ffurf cwpled neu bennill O bydded i ti Toni At: Rod Richards. Nadolig llawen fo i ti Oddi wrth Nic Bourne.
|
|