Tafod Elái

GALW AM Y GYMRAEG YN CREU SWYDDI NEWYDD

Mae BT am ehangu'r adran sy'n delio gyda chwsmeriaid Cymraeg yn dilyn cynnydd mawr yn y galw gan bobl sydd am drafod eu busnes â'r cwmni yn Gymraeg.

Ers dechrau'r flwyddyn mae galwadau i Ganolfan Gwasanaeth Cwsmeriaid Cymraeg BT ym Mae Colwyn wedi dyblu o tua 400 i oddeutu 800 galwad yr wythnos.

Yn awr mae'r cwmni am gyflogi chwech o staff ychwanegol, gan gynyddu'r nifer o bobl yn gweithio yno i 21. Maent yn delio gydag ymholiadau gan gwsmeriaid am filiau, gwerthiant offer a gwasanaethau, materion gwasanaeth a thrwsio.

Agorwyd y ganolfan yn 1992 gyda chwech o staff yn unig, ond bu cymaint o alw fel y bu'n rhaid symud i ganolfan fwy a agorwyd yn swyddogol ddwy flynedd yn ôl gan yr Arglwydd Elis-Thomas o Nant Conwy, Cadeirydd y Bwrdd Iaith ar y pryd.

Dywedodd cyfarwyddwr Cymru BT, John Davies: "Yn ôl ein ffigurau mae'n amlwg bod pobl yn fwy parod i ddefnyddio'r Gymraeg nawr nag oeddent pan agorwyd y ganolfan saith mlynedd yn

ôl.

"Wrth gwrs, rydym yn falch iawn o hynny a hefyd yn hapus bod ein canolfan ym Mae Colwyn yn darparu gwasanaeth o'r radd flaenaf i gwsmeriaid yn Gymraeg."

Rhif ffôn y ganolfan yw -

0800 800288.

chyhoeddusrwydd i ymdrechion dysgwyr Cymraeg.

Ac yn dilyn cyfarfod yn Ystrad Mynach ar ddiwedd mis Medi mae trigolion Sir Caerffili wedi penderfynu ffurfio Menter yno.

Cefnogaeth sydd angen ar y Mentrau hyn i sicrhau datblygiad llewyrchus i'r iaith yn y fro.