Dyna enw'r project sy'n mynd i sicrhau ysgol newydd i Rydfelen a Garth Olwg  yn 2004.  Mae arwyddocâd arbennig, wrth gwrs, yn yr enw!
   Ar 10 Ionawr cynhaliwyd  Diwrnod Agored Project Glyndðr - roedd deugain o gwmnïau mawr wedi dod ynghyd i ddatgan diddordeb.  Anhygoel!  Fydd dim prinder ymgeiswyr am y gwaith!
   Ar 2 Chwefror cynhelir cyfarfod cyhoeddus yng Nghanolfan Chwaraeon Llanilltud Faerdre (agor am 6.00, dechrau am 6.30) i ymgynghori â'r gymuned leol ynglþn â chaniatad cynllunio.  (Cyfarfodydd rhannu gwybodaeth am 2.30 a 6.30 ar 1 Chwefror a 2.30 ar 2 Chwefror.)
   Mae tipyn o lythyru wedi bod yn y papurau lleol ynglþn â lleoliad y project hwn ym Mhentre'r Eglwys.  Pryderu mae pobl am effaith y datblygiad newydd ar y traffig lleol - sydd ar hyn o bryd yn ddigon enbyd, mae'n rhaid cyfaddef.
   Pwysig iawn, felly, oedd y datganiad gan y Cynulliad Cenedlaethol yr wythnos ddiwethaf bod arian ar gyfer ffordd osgoi Pentref Eglwys wedi ei gytuno.  Gyda'r broblem yma wedi ei dileu, efallai y gall y trigolion lleol yn awr edrych ymlaen at ddatblygiad a all ddod â bendithion mawr i'r ardal.
   Cawn gyfle eto, mae'n siwr, i fanylu ar yr adnoddau fydd ar gael, ond yr elfen bwysicaf i'w phwysleisio yw mai Ysgolion Cymunedol fydd y Rhydfelen a'r Garth Olwg newydd, gyda llawer o'u hadnoddau ar gael i aelodau'r gymuned gyda'r pwyslais ar "addysg gydol oes".  Bydd hyn yn cynnwys Canolfan Celfyddydau ac Adnoddau Technoleg Gwybodaeth

Bu rhai yn ceisio beirniadu  y Mentrau Iaith ar y cyfryngau yn dilyn Arolwg a gyflwynwyd i Fwrdd yr Iaith yn ddiweddar. Y prif gðyn oedd fod yr iaith yn parhau i golli tir er gwaetha'r gwaith o hybu'r Gymraeg sy'n cael ei wneud gan y Mentrau.
   Mae'n haws gan rai fwrw sen ar weithgarwch a brwdfrydedd pobl sy'n gweithredu dros yr iaith Gymraeg nag i sefyll lan a chefnogi y datblygiadau newydd sy'n digwydd drwy Gymru.
   Mae'r Fenter Iaith yn yr ardal hon wedi chwarae rhan allweddol yn creu swyddi sy'n rhoi cyfle i bobl ddefnyddio'r iaith. Drwy weithredu mewn partneriaethau â nifer o gyrff eraill mae'r Fenter wedi rhoi statws newydd i'r iaith.
   Hyderwn na fydd beirniaid y Mentrau yn llwyddo i atal y brwdfrydedd a'r gweithredu cyson sy'n cymeryd lle i sicrhau dyfodol yr iaith yn yr ardal hon.