Mae Ysgol Gwaelod-y-Garth sy'n darparu addysg trwy gyfrwng y Gymraeg a'r Saesneg, wedi mynd trwy arolwg llawn gan Estyn ym mis Chwefror, 2001 gyda marciau llawn ac mae'r staff wedi cael eu llongyfarch am eu hymroddiad.
   Mae adroddiad yr arolygwyr yn talu teyrnged i'r safonau da iawn sydd wedi eu cyrraedd gan y plant yn dilyn ymroddiad a safon uchel yr addysgu.  Mae hyn, yn ôl yr adroddiad, yn dilyn arweiniad y Prifathro a'r Dirprwy.
   Wrth ymateb i'r adroddiad dywedodd Prifathro Ysgol Gwaelod-y-Garth, Gerwyn Williams :
"Rwy'n arbennig o falch o'r adroddiad yma.  Mae'n adlewyrchu ymroddiad y plant a'r athrawon.  Mae'r Bwrdd Llywodraethol a'r rhieni yn arbennig o gefnogol ac 'ryn ni'n gweithio fel uned."
   Talodd yr arolygwyr deyrnged i ddatblygiad moesol, cymdeithasol a diwylliannol y plant ac adroddwyd bod yr ysgol "yn darparu amgylchedd diogel a hapus ble mae yna werth i bob plentyn".  Roedd y gyfathrach gyda rhieni "yn dda ac yn adeiladol".
   Yn ôl yr arolygwyr un o'r prif bryderon y dylai yr AALl ystyried yw cyflwr gwael a'r problemau yn gysylltiedig â'r adeiladau ac mae Peter Hammett, Cadeirydd y Bwrdd Llywodraethol yn gofidio yn arbennig am hyn.
"Yn naturiol, rydw i a fy nghyd-lywodraethwyr yn ymfalchio yn yr adroddiad.  Mae hyn wrth gwrs yn adlewyrchu safonau uchel a gwaith caled y plant a'r athrawon sy'n gweithio fel tîm.  Fe fyddwn yn parhau i wasgu ar yr AALl i wella'r adeiladau."