diweddar Howard, mam Colin, Marilyn, Brian ac Alan, a mam-yng-nghyfraith Jennifer, Ann a Bill.
Roedd y gwasanaeth yng nghapel Tþ Hebrwng D J Evans Forse, Yr Eglwys Newydd, a'r traddodiant yn Amlosgfa Thornhill, Caerdydd. Cydymdeimlwn a'r teulu.

O DDEINOSORIAID I'R GOFOD
Mae gweithwyr General Electric Aircraft Engine Services, Nantgarw, wedi helpu trefnu arddangosfa yn yr Amgueddfa Genedlaethol yng Nghaerdydd.
   Prentisiaid a graddedigion GEAES sy wedi cynllunio rhannau o arddangosfa Flight sy'n olrhain hanes hedfan o'r cyfnod cynhanesyddol i'r dechnoleg ddiweddara yng nghyfnod y gofod.
   "Mae'r gweithwyr wedi cyfrannu pum eitem arddangos," meddai Jeff Morgan o GEAES. "Roedd yn brofiad gwerthfawr gan eu bod yn gorfod gweithio fel tîm. Nid yn unig maen nhw wedi cynllunio eitemau. Maen nhw wedi wedi chwilio am ddeunydd yn lleol ac adeiladu'r eitemau. Ry'n i gyd yn falch o'u cyfraniad."

MARW GWLADYS GREEN
Yn dawel yn Ysbyty Brenhinol Morgannwg, Llantrisant, ddydd Sul, Gorffennaf 15, bu farw Gwladys Mary Green, o Waelod-y-Garth, gwraig y diweddar Ernie, mam David, Gerald, Pat, a mam-yng-nghyfraith Veronica.
   Roedd y gwasanaeth yng nghapel Tþ Hebrwng D Caesar Jones, Rhiwbeina, Caerdydd, a'r traddodiant yn Amlosgfa Glyntaf, Pontypridd. Cydymdeimlwn a'r teulu.

CANATHON YN CODI £1,271
Wrth inni fynd i'r wasg, roedd Canathon Ysgol Gwaelod-y-Garth wedi codi £1,271. "Mae hwn yn gyfanswm syfrdanol hyd yn hyn," meddai Carrie Anderson, Trysorydd y Gymdeithas Rhieni. "Chwarae teg, mae'r plant wedi bod yn brysur yn casglu arian nawdd a chanu yn yr awyr agored."
   Deallwn y bydd y prifathro ym Medi yn awgrymu ble bydd yr arian yn cael ei wario.

NOSON FYTHGOFIADWY I MORFYDD
Cafodd Morfydd Huws, athrawes yn Ysgol Gwaelod-y-Garth, syrpreis ar ddiwedd y tymor.
   Roedd hi a' i gwr, Gareth, newydd gael diod yn Nhafarn y Tþ Nant, Pentrepoeth, a Morfydd yn edrych ymlaen at gyri mewn tþ bwyta Indiaidd. Wn i beth aeth drwy ei meddwl pan drodd Gareth y car i gyfeiriad Gwaelod-y-Garth a chyrraedd Neuadd y Pentre. Yno roedd pryd bwyd bys a bawd yn barod a pherthnasau, ffrindiau, hen staff a newydd, cynrychiolwyr cymdeithasau a llywodraethwyr yn bresennol.
   Wedyn daeth y syrpreis nesa, llais awdurdodol, cyfarwydd yn dweud: "Morfydd Huws, this is your life." Cyfeiriwyd at y ffaith fod Morfydd wedi bod yn yr ysgol ers 1985 ac wedi chwarae rhan allweddol, nid yn unig yn y dosbarth ond mewn gweithgareddau fel Eisteddfodau'r Urdd.
   Cyflwynodd y staff a'r llywodraethwyr anrheg ymddeol, llun gan yr arlunydd lleol, Vernon Hill.
   Diolch am fod yn frwdfrydig, yn gydwybodol, ac yn broffesiynol. Ymddeoliad hir a hapus, Morfydd.

YMCHWIL I FARWOLAETH SAUDI ARABIA
Wrth inni fynd i'r wasg, roedd Heddlu Saudi Arabia'n ymchwilio i farwolaeth Cymro mewn pwll nofio.
Daethpwyd o hyd i gorff Robert Cartlidge, 26 oed, o Nantgarw, mewn clwb preifat ym mhrifddinas y wlad, Riyadh. Roedd y peiriannydd awyren yn gweithio i gwmni cynnal a chadw o'r enw Al-Salaam.
"Mae ei rieni mewn sioc," meddai Albert Cartlidge, wncwl Robert. "Roedd yn dwlu ar ei waith ac wrth ei fodd yn y wlad."

HAUL AR Y FODRWY
Llongyfarchiadau i Alison Probert, Athrawes Dosbarth 1C Ysgol Gwaelod-y-Garth, briododd Martin Davies ar Awst 18 yng Nghapel Siloa, Aberdar.
    Mae'r ddau'n byw yn Fferm Bryncul, Penderyn, ger Hirwaun.

UNO DAU DEULU
Llongyfarchiadau i Bethan Elis Owen a'r Parchedig Gareth Rowlands ar eu dyweddiad.

MARW DORIS LOCK
Yn dawel yn Ysbyty Athrofaol Cymru, Caerdydd, ddydd Sadwrn, Gorffennaf 14, bu farw Doris Lock, o Waelod-y-Garth, gwraig y