"Un atgof  yn enwedig a saif, sef y "Twin Towers" yn sefydlog eu lle ar orwel Efrog Newydd. Atgof yn unig ydyw mwyach, gorwel gwag fydd nawr ar gof.
   Estynnaf fy nghydymdeimlad dwysaf i'r rhai a gafodd eu effeithio wedi'r anffawd erchyll."

Ers agor yr ysgol ym Medi '98, breuddwyd nifer o staff a disgyblion Ysgol Gyfun Plasmawr oedd mynd fel criw ar daith berfformio. Nid trip arferol oedd yr un mewn golwg, ond yn hytrach un  fyddai'n cynnig profiadau a mwynhad gwerthfawr a fyddai'n dylanwadu  arnom am weddill ein hoes. O'r funud yr esgorodd y syniad o deithio'r Unol Daleithiau, roedd cyn gymaint ohonom mor frwdfrydig i daenu doniau a thraddodiadau Cymru dros y dðr. Criw o tua 50, staff a disgyblion, a adawodd yr ysgol am 6.30 y bore yn anelu am Heathrow, â'r bws yn llawn nid yn unig o fobol - ond o wisgoedd dawnsio gwerin,..clocs....a thelyn!!
   Pythefnos oedd hyd y daith, pythefnos lawn o ymweld â Bel-Air, Washington D.C, Pennsylvania, Baltimore........Lockport, Niagra......Westport....Efrog Newydd....yn aros gyda tri theulu i gyd.
   Braf oedd cael gweld ochr arall o fywyd yn America, yn hytrach na'r bywyd ystrydebol a fyddai'n amlwg wrth deithio o westy i westy! Rhaid cydnabod y croeso arbennig o gynnes oedd yn ein disgwyl yno, a'r ddawn oedd gan bawb i'n gwneud yn gartrefol yn eu cwmni yn syth!

   Daeth gwên i wyneb nifer ohonom wrth gyrraedd y tai crand, moethus, ac anodd oedd cyfarwyddo â bywyd yn ôl yng Nghymru heb bwll nofio yn yr ardd gefn!!
   Er y gwres anhygoel oedd yn ein hwynebu yn ystod y rhan fwyaf o'r diwrnodau, a chredwch chi fi nid hawdd yw canu mewn côr mewn dillad du a hithau'n 104⁰F!!, aeth y cyngherddau'n llyfn iawn â'r gynulleidfa yn amlwg mwynhau - diolch byth!! O unawdau offerynnol, i gorau...ac o bartion llefaru i grwpiau dawnsio gwerin a chlocsio, gwledd o adloniant Cymreig oedd i'r Americanwyr! Ond yng nghanol "...have a good day..." a "...you guys were so good!"...roedd canu'r anthem genedlaethol yn rhywbeth ar wahân! Ar ddiwedd pob cyngerdd, â'r faner yn chwifio'n gryf uwch ein pennau, roedd canu'r anthem i gannoedd o fobl dieithr na chlywsant ein hiaith o'r blaen, yn ogoniant! Pob un ohonom yn amlwg mor bell oddi gartref, ond mor falch i fod yn Gymry! Diolchaf innau i bawb a gyfrannodd at lwyddiant y daith.
   Un atgof  yn enwedig a saif, sef y "Twin Towers" yn sefydlog eu lle ar orwel Efrog Newydd. Atgof yn

unig ydyw mwyach, gorwel gwag fydd nawr ar gof.
   Estynnaf fy nghydymdeimlad dwysaf i'r rhai a gafodd eu effeithio wedi'r anffawd erchyll a ddigwyddodd ers i ni ddychwelyd yn ôl i Gymru.

Catrin Middleton.