Llongyfarchiadau i Ysgol Gyfun Rhydfelen am gyflwyno campwaith o gynhyrchiad o'r ddrama gerdd gan Caryl Parry Jones a Tony Llywelyn. Roedd yr Ysgol wedi defnyddio adnoddau proffesiynol y Miwni i greu naws arbennig ac agos. Ar adegau roedd Haman yn bygwth a dychryn rhai yn seddi flaen y gynulleidfa! Aeth y sioe o gyfnod 2099 yn y dyfodol yn ôl i 1904 a 1955 drwy gyfrwng y peiriant amser a creuwyd naws arbennig y cyfnodau drwy'r dawnsio a'r canu.
   Cynhyrchiad arbennig arall yn dilyn traddodiad hir Ysgol Gyfun Rhydfelen

Cynhelir 16eg Gðyl Ddrama Tafod Elái yn Neuadd Dowlais, Llanilltud Faerdref ar nos Fawrth, Mercher, Iau a Gwener, 20 i 23 Tachwedd. Y beirniad eleni yw Ifan Huw Dafydd (Dic Deryn) ac yn barod mae wyth cynhyrchiad yn cael eu paratoi. Mae'r nosweithiau yn Neuadd Dowlais (rhwng y Ship a'r Crown ar y ffordd i Efail Isaf) yn gyfle i fwynhau gwledd o adloniant Cymraeg ac i gymdeithasu dros baned. Mae croeso hefyd i ddysgwyr a darperir gwasanaeth cyfieithu ar y pryd. Am wybodaeth pellach am yr ðyl neu am docynnau ffoniwch Colin Williams: 029 20890979.

Wrth annerch Cyfarfod Blynyddol Menter Iaith Rhondda Cynon Taf dywedodd Jane Davidson, Gweinidog Addysg y Cynulliad, fod

y Fenter Iaith yn adnodd gwerthfawr iawn ym mywyd Rhondda Cynon Taf a bod angen rhoi cyfle i bawb i ddysgu a defnyddio'r Gymraeg.
   Bu ar ymweliad â Chanada yn yr haf ac fe'i syfrdanwyd gan y ddarpariaeth ddwyieithog - Ffrangeg a Saesneg yn nhalaith New Brunswick ac ymrwymiad cryf y llywodraeth i sicrhau fod dwyieithrwydd yn llwyddo. Roedd hefyd wedi ei chalonogi gan frwdfrydedd y trigolion i ddysgu ail iaith.
   Roedd am weld amryw o gyfleoedd yn ystod gyrfa addysg plentyn lle y gall ddewis dysgu a defnyddio'r Gymraeg. Fel cyn-athrawes roedd yn hollol ymwybodol o'r angen am hyfforddiant ac anogaeth i'r proffesiwn addysg ac roedd am wneud y Gymraeg yn bleser i'w defnyddio yn y Gymuned.