GWYL DEWI
Yn dilyn bwrlwm arferol ymarferion cystadlaethau'r Urdd yr adeg yma o'r flwyddyn, cynhelir yr Eisteddfod ysgol ar Chwefror 28ain. Y beirniad eleni fydd Mr Carey Williams (Cerdd) a Mrs Loreen Williams (Llafar). Dewisir cynrychiolwyr Garth Olwg ar gyfer yr Eisteddfod Gylch.

MAWRTH 1af
Fel rhan o'n dathliadau Gwyl Dewi , cynhelir p'nawn o 'Weithgareddau'r Llysoedd' ar Fawrth 1af, cyfle i bob disgybl yn yr ysgol, gystadlu dros eu llys.

YMWELWYR
Pleser mawr yn ddiweddar oedd croesawu dau o athrawon Ysgol y Garnedd, Bangor atom am y dydd. Bu Carl Evans a Glenda Rigsby yn trafod gyda athrawon y ddau gyfnod allweddol - ac yn arbennig yr adran Feithrin, ein dulliau ni yn ysgolion Cymraeg y De Ddwyrain, o gyflwyno iaith i blant sy'n helaeth o gartrefi di-Gymraeg; ac yn cymharu â'r sialens sy'n wynebu Ysgol y Garnedd, ble mae tua pum deg y cant o'r plant a dderbynnir i'r ysgol yn dod o gartrefi ble siaredir Cymraeg.
   Pleser yn ddiweddar hefyd oedd croesawu Jane Davidson, Gweinidog Addysg a Dysgu Gydol Oes y Cynulliad atom. Treuliodd gyda'r nos yn ymuno â'r Llywodraethwyr, gweithlu'r Ysgol a phwyllgor y Gymdeithas Rhieni ac Athrawon, fel cam tuag at gadarnhau gwerth ac arwyddocâd "Buddsoddwyr mewn Pobl" i'r ysgol.

CHWARAEON
Llongyfarchiadau i'r tîm pêl rhwyd a thîm pêl droed y merched, sydd wedi cystadlu'n frwdfrydig ac wedi bod yn llwyddiannus yn ddiweddar. Yn yr un modd, bechgyn y tîm rygbi, er nad mor llwyddiannus yn ddiweddar, yr un mor frwdfrydig.

GARTH OLWG NEWYDD
Fe fydd y cyflwyniad terfynol o'r cynlluniau ar gyfer y Garth Olwg newydd a'r Rhydfelen newydd gan y ddau gwmni adeiladu sydd ar y

Dawnsio o Safon Uchel
'Llongyfarchiadau i Nikki Beacham, Jessica Davies a Marissa Jones (YGG Garth Olwg) ar eu llwyddiant wrth sefyll arholiadau

dawns diweddar.  Y dair ohonynt yn ennill clod y beirniad ac yn cyrraedd safon uchel wrth ddawnsio llinell a disgo.  I ddosbarthiadau yn Neuadd Dowlais bob nos Wener mae'r diolch!'

Newyddiadurwr
Ar ôl gorffen ei radd ym Mhrifysgol Caerdydd y llynedd (Hanes a Gwleidyddiaeth) llwyddodd Owen Thomas, Nant Celyn, i basio cwrs Newyddiaduraeth Trinity Mirror, Newcastle (Awst i Rhagfyr 2001). Dechreuodd yn ei swydd newydd ar 1 Ionawr 2002 yn gweithio fel newyddiadurwr o dan hyfforddiant gyda'r Uxbridge Gazette (Un o bapurau Cwmni Trinity Mirror).

rhestr fer, yn ystod y drydedd wythnos ym mis Mawrth; ac erbyn canol Ebrill gobeithir gweld dewis un o'r ddau gwmni, fydd, maes o law, yn ymgymryd â'r gwaith o adeiladu'r Feithrinfa,yY Garth Olwg newydd, y Rhydfelen newydd a'r Ganolfan Addysg Gydol Oes, ar safle Garth Olwg.
   Yng nghyd-destun y P.F.I. diddorol a chyffrous iawn fu'r ymweliad cynrychiolaeth o Garth Olwg yn ddiweddar i Ysgol gymuned Doc Penfro, i weld un o'r Cynlluniau PFI Cynradd cyntaf o'r fath yng Nghymru.