Mae Cyngor Sir Rhondda Cynon Taf wedi ail-lansio eu cynllun iaith gyda nifer o newidiadau sylfaenol yn eu darpariaeth. Y bwriad yw sicrhau fod pob gwasanaeth ar gael yn Gymraeg a Saesneg.  Mae'r cynllun newydd yn cynnwys ffigyrau am y nifer o siaradwyr Cymraeg yn y Sir ac am y twf ymhlith pobl ifanc.
   Y neges bwysicaf i drethdalwyr a thrigolion y sir yw i gymryd pob cyfle i ddefnyddio'r Gymraeg wrth drafod unrhyw wasanaeth gyda'r Cyngor Sir.
   Roedd y lansiad yng Nghanolfan Hamdden Pendyrus ar 25 Mawrth yn ddiwedd cyfnod i John Albert Evans sy'n ymddeol fel Swyddog Iaith y Sir ar ôl cyfnod o dros 30 mlynedd o wasnaeth i addysg a'r iaith Gymraeg yng nghymoedd Morgannwg.
   Mae'r cynllun iaith newydd yn gyfle arbennig i sicrhau dyfodol yr  iaith Gymraeg yn y sir.

rhaid i'r plant ddyfalu perchennog y llyfr. Enillwyd y gystadleuaeth gan Jemma Benjamin, Blwyddyn 6. Ymunodd plant yr Adran Iau i gydadrodd darn o farddoniaeth a ddarlledwyd ar Radio Cymru yn y bore.

Dathliadau Gðyl Ddewi
Cynhaliwyd Eisteddfod yr ysgol ar ddydd Gwener ola'r hanner tymor. Cafwyd cystadlu brwd a phawb wedi mwynhau. Diolch i Mrs Euryl Walters am feirniadu mor drylwyr.
   Ar Fawrth y cyntaf cafwyd perfformiadau gan fuddugwyr yr Eisteddfod a chyhoeddwyd enillwyr y cystadlaethau cartref. Roedd hi'n ddiwrnod hwylus dros ben.

Sgwad 'Sgwennu
Derbyniwyd Owain Williams, Blwyddyn 6, i fynychu'r sgwad 'sgwennu yn diweddar. Mae Owain wrth ei fodd yn ysgrifennu ac enillodd e'r gadair am ysgrifennu stori yn Eisteddfod yr ysgol eleni.