Oni bai eich bod chi wedi dod ar draws Twf yn yr Eisteddfod neu'r Sioe Frenhinol yn Llanelwedd, fyddwn i'n synnu dim petasech chi heb glywed am Twf, gan nad yw cynllun Twf wedi cyrraedd y rhan yma o Gymru . . tan nawr.
   Nod Twf yw hyrwyddo'r Gymraeg ar yr aelwyd. Gwaith Twf yw rhoi gwybodaeth i rieni am werth dwyieithrwydd i'w plant, a cheisio annog y rhieni sy'n gallu siarad Cymraeg i ddefnyddio'r Gymraeg gyda'u plant.
   Erbyn hyn mae gan Twf swyddog i weithio dros dro yn y De-Ddwyrain. Penodwyd Danny Grehan i ddechrau ar y gwaith o godi ymwybyddiaeth, ac i hyrwyddo gwaith Twf yn yr ardal.
   Dros y tri mis nesaf bydd yn mynd ati i greu cysylltiadau gyda mudiadau lleol er mwyn rhoi sylfaen i waith Twf yn y dyfodol. Ar y cyd gyda phartneriaid eraill, bydd yn trefnu digwyddiadau ar gyfer rhieni, a darpar rieni fydd yn rhoi gwybod iddynt am fateision aelwydydd dwy-ieithog.
   Os hoffech chi wybodaeth am Twf, neu yn nabod rhywun arall a all fanteisio o gael gwybodaeth am fendithion magu plant yn ddwy-ieithog yna cysylltwch â Danny ar 01443 671577, 07881 607723 neu ebostiwch at danny@alltwen33.freeserve.co.uk.