Daeth newyddion da am dros 200 o swyddi i Lantrisant wrth i gwmni Oshkosh Truck o Wisconsin yr Unol Daleithiau gyhoeddi datblygiad yng ngwaith Geesink Norba yn Ynysmaerdy sy'n cynhyrchu loriau sbwriel. Mae'r cwmni wedi derbyn cytundeb gan Adran Amddiffyn y Llywodraeth i gynhyrchu tanceri olew a dwr a chludwyr tanciau. Dros y deng mlynedd nesaf disgwylir i weithlu y cwmni yn Ynysmaerdy gynyddu o'r 180 presennol i dros 1000.
DATHLU Y DEUGAIN MLYNEDD CYNTAF
Y Prifathro, Mr Brian James, yn edrych ar Mr a Mrs Gwilym Humphreys yn torri cacen y dathlu,
Fel uchafbwynt i ddathliadau deugain mlynedd Ysgol Gyfun Rhydfelen cynhaliwyd cyngerdd gan gyn-ddisgyblion a disgyblion presennol yr ysgol ym Mhrifysgol Morgannwg ym mis Rhagfyr. Cafwyd eitemau yn cynrychioli pedwar degawd yr ysgol ac araith
bwrpasol gan y Prifathro Cyntaf, Mr Gwilym Humphreys. Dymunwn ymddeoliad hapus i Mr Bryan James a fu'n brifathro dros y naw mlynedd diwethaf ac a weithiodd yn ddi-flinio i sicrhau safle newydd i'r ysgol
Un o loriau sbwriel
Geesink Norba
Gwywedig oedd y goeden--yn y cwm, ond caed o'r un fesen yn y pridd wrth fôn y pren dwf eilwaith yn Rhydfelen
Emyr Lewis Rhagfyr 2002
Mr Brian James y prifathro diwethaf, Mr Gwilym Humphreys, y prifathro cyntaf a Mr Peter Griffiths y prifathro newydd.
