Daeth cynrychiolwyr o dîm 'Cardiff Devils' i Ysgol Castellau i siarad â'r plant ym mis Chwefror. Mae rheolwr cyffredinol y tîm, Mr. Bill Buglass yn dadcu i Christian Bird, sydd yn y dosbarth Derbyn. Daeth dau o chwaraewyr y tîm Jeff Burgoyne a Kurt Walsh i ddangos yr offer a'r wisg a sôn am eu plentyndod yng Nghanada.  Yn dilyn yr ymweliad aeth tua hanner cant o blant i ymuno â'r hwyl yn y stadiwm yng Nghaerdydd.  Diolch hefyd i Mr. Buglass am drefnu cyfraniad ariannol i gronfa'r ysgol.

Croeso mawr i Wefan Mabon a Mabli - gwefan newydd sbon lle gallwch bori a phrynu o'r dewis eang o lyfrau Cymraeg/dwyieithog a nwyddau eraill i blant bach. Sail y dewisiad yw'r adnoddau cynhyrchwyd gan Mudiad Ysgolion Meithrin (MYM) - adnoddau unigryw sydd yn adnabyddus ym myd addysgol y blynyddoedd cynnar am eu hansawdd ardderchog, gan gynnwys Snap Tedi, gêm Ein Cartref Ni, pecyn Tedi Twt, Cardiau Fflach y Wyddor ynghyd â'r llyfrau newydd yng nghyfres Mabon a Mabli, Y Picnic a Pump Tedi Prysur.
   Hefyd ar y Wefan mae 'na lwyth o lyfrau stori eraill, llyfrau ffeithiol, canu a lliwio ac wrth gwrs mae llawer ohonynt yn addas i ddysgwyr. Bydd y fideos, casetiau, CDs a CD-

Penodwyd Caroline Mortimer yn Swyddog y Gymraeg dros Gyngor Bwrdeistref Sirol Rhondda Cynon Taf. Ei gwaith fydd sicrhau bod holl wasanaethau y cyngor yn cael eu darparu yn ddwy-ieithog ac annog trigolion y sir i wneud defnydd o'r gwasanaethau.
   Hoffai wybod am unrhyw sylwadau, cwynion sydd gan siaradwyr Cymraeg yr ardal, ynglyn â gwasanaeth dwyieithog y Cyngor, gyda'r nod o'i wella.
   Lansiwyd Cynllun Iaith newydd y cyngor yn ddiweddar a bydd yn cael ei weithredu dros y flwyddyn nesaf.
   Rhiff ffôn Caroline Mortimer yw -01685 885265.

Roms, gemau, jigsos a phosteri i gyd yn siwr o apelio at blant ifanc.
  Mae'r Wefan yn ddwyieithog er mwyn i bawb fedru ei fwynhau. Gan fod y safle yn ddiogel, gall cwsmeriaid fod yn hyderus bod eu manylion taliadol yn hollol gyfrinachol