Ym mis Tachwedd cafodd disgyblion Ysgol Gyfun Rhydfelen wledd gerddorol anferth.  Cawson nhw ddisgo am ddim yn ogystal ac anrheg o  CD 'Popty' a oedd yn cynnwys nifer o ganeuon diweddaraf grwpiau Cymreig Cymru.

Trefnwyd y prynhawn gan Rhys Mwyn, cynhyrchydd recordiau o'r Gogledd gyda help gan Adran Marchnata S4C, a chafwyd cymorth ariannol gan Fwrdd yr Iaith Gymraeg.  "Pwrpas y prynhawn oedd i bwysleisio i bobl ifanc Cymru bod gennyn ni grwpiau pop sy'n canu trwy gyfrwng y Gymraeg sydd llawn cystal ag unrhywbeth byddant yn gwrando arno yn Saesneg".

Perfformiodd Gwenno, TNT ac Alun Cowles eu caneuon Cymreig er bod TNT hefyd wedi recordio gwaith yn y Saesneg gan eu bônt wedi cefnogi grwpiau megis Liberty X ac A1 mewn cyngherddau'n ddiweddar.

Dywedodd Nia Sheppeard, Bl. 8 "Alun Cowles oedd y gorau achos dwi'n cofio ei weld e pan oedd e yn ein hysgol ni.  Roedd yn wych ei weld yn canu ar y llwyfan jest fel Gareth Gates".

Cyflwynwyd y grwpiau gan Gethin Jones, sef un o gyflwynwyr Planed Plant, sydd hefyd yn 'Bachelor of the Year' cylchgrawn Company.  Cafodd gyfweliad syth ar ôl y disgo gan Bethan Keogh ar gyfer ei raglen radio 'Amser Arddegau' ar GTFM, a gofynnodd iddo a oedd ennill y teitl wedi rhoi hwb i'w fywyd

Mae cwmni recordio newydd wedi ei sefydlu yng Ngwaelod y Garth, Cynyrchiadau Kissan, a rhyddhawyd  eu hail CD, Ryland Teifi, ym mis Tachwedd.
   Mae'r cwmni yn darparu gwasanaeth stiwdio recordio a chynhyrchu CD ar gyfer hyrwyddo neu werthiant.
   Bu gwerthiant da ar CD cyntaf y cwmni, Coast to Coast, gan y delynores Catrin Finch.
  Am wybodaeth bellach ewch i safle gwe www.kissanproductions.com

carwriaethol.  Chwarddodd  Gethin yn uchel cyn ateb "Dwi ddim yn siwr dy fod yn cael gofyn cwestiwn fel hynny i mi!"